Elevator - Edan吕爵安-粵語歌關注組

播放量:644

视频简介

发行时间:

《Elevator》 曲: Daniel Kim / hen F (Future Sound) / Mr Danny (FutureSound) / Ethan Su 詞:T-Rexx 編:Daniel Kim 監:Edward Chan 主唱:Edan 呂爵安 上年出歌非常頻密嘅 Edan 呂爵安,嚟到第二年稍為放慢腳步,踏入四月份先出佢第一首獨唱歌,亦係佢第一首跳唱快歌,歌名(Elevator) 之前都提過,可能喺早一兩年比人話佢懶音太多,Edan上年唱歌好著重喺「咬宇」上,因為咁樣佢唱歌比人感覺好拘謹甚至生硬,呢點喺《小諧星》同《My Apple Pie》 尤其明顯,加上出歌好急好趕(喺《小諧星》訪問中聽到佢唔少似話好趕)而佢又一直忙於拍劇、拍戲同綜藝節目等,令佢一直末有時間針對佢喺唱歌嘅發聲問題上作出改善,而且幾首歌曲風類近佢演繹嘅方法亦無太大差別,所以我對佢喺上年下半年嘅幾首 歌其實都頗為失望。 不能夠否認嘅係,Edan喺處理呢首歌比上年嘅幾首慢歌都進步咗好多。最少佢發聲上佢掌握到點樣將聲音唱出口腔,呢點對唱歌嚟講好重要,如果唔係只會聽到把聲困喺你口腔入面,你咬字再清楚其實都聽得唔好。另外,今次佢亦終於放低出現咗好多次嘅「鋼琴情歌王子」身份,展現返更貼近佢真實性格嘅調皮貪玩形象。旋律同編曲令呢首歌充滿玩味感,Edan亦好成功投入喺呢個玩樂氣氛入面,唔需要好似上年咁將全副心思放哂喺唱成點樣,反而可以真係放返鬆少少,咁樣令人聽得更舒服。T-Rexx嘅歌詞以及MV都可將首歌嘅含意展現出嚟就係人越急越趕,就越難解決問題,好似搭電梯咁越想急就等得越耐,沿途亦越多人出入,所以,既然控制唔到幾多人出入電梯,或者要等幾耐先到,不如take it easy放鬆下?

加载中
举报反馈播放器